အဆိုးဆုံးကို ရင်ဆိုင်ရင်း အကောင်းဆုံးကိုလည်း မျှော်လင့်ထားပါ
>> Friday, June 25, 2010
အခုတလောမှာ မြန်မာနိုင်ငံက နာမည်ကြီး မင်းသမီးနဲ့ ဂျာနယ်သတင်း ထောက်မလေးတို့ရဲ့ အဖြစ်အပျက်လေပွေဟာ ပြည်တွင်းရာသီဥတုကို သာမက ပြည်ပမြန်မာအသိုင်းအ၀ိုင်းကိုပါ ၀င်ရောက် တိုက်ခတ်သွားပါတယ်။ အဲဒီလောကအကြောင်း ဘာမျှ မသိ၊ စိတ်လဲမ၀င်စား၊ ခပ်ဝေးဝေးမှာပဲ ရှိနေတဲ့ စာရေးသူရဲ့ စိတ်လေဟာနယ်ထဲမှာတောင် မလွတ်ပါဘူး၊ ဒါကတော့ ဒီလိုဖြစ်သင့် တာပေါ့… ဘာညာ စသဖြင့် စိတ်ထဲမှာ မှတ်ချက်လေးတွေ ချမိတဲ့ အထိပါပဲ။ တိုက်ဆိုင်မှုလေးတွေ ကြုံလာတိုင်း ကိုယ်တွေ့ကြုံခဲ့ရ၊ ကြားသိခဲ့ရတာတဲ့ အလားတူ အဖြစ်အပျက် လေးတွေနဲ့ ဆက်စပ် တွေးတောကြည့်တတ်တာက စာရေးသူရဲ့ အကျင့်တစ်လို ဖြစ်နေပါ တယ်။ ဒါနဲ့ပဲ စဉ်းစားနေရင်း အင်္ဂလန်နိုင်ငံက နာမည်ကျော် အဆိုတော် ကယ်ရီ ကာတိုနား (Kerry Katona)ရဲ့ အကြောင်းလေးကို သတိရမိလိုက်ပါတယ်။
ကယ်ရီဟာ အက်တမ်မစ် ကစ်တင်း (Atomic Kitten)လို့ ခေါ်တဲ့ နိုင်ငံကျော် ဂီတအဖွဲ့ရဲ့ အရေးပါတဲ့ အဆိုကျော် တစ်ယောက် ပါ။ ဒီလိုဖြစ်လာဖို့အတွက် နတ်တို့ဖန် ရေကန်အသင့် ကြာအသင့်ဖြစ် လာတာတော့ မဟုတ်ပါဘူး။ သူဟာ စိတ်ကျရောဂါသည် မိခင်ကြီးရဲ့ လက်ကို ဆွဲပြီး ခြေသလုံးအိမ်တိုင် လှည့်လည် သွားလာနေရတဲ့ သုည ဘ၀ကနေ စခဲ့ရတာပါ။
ဒီလိုနာမည်ကြီးလာလေ သတင်းမီဒီယာတို့ရဲ့ မျက်စိကျတဲ့ ပစ် မှတ် တစ်ခုဖြစ်လာလေပါပဲ။ အဲဒါကြောင့်ပဲ ထင်ပါရဲ့ သူဟာ သတင်း သမားတွေနဲ့ ကတောက်ကဆ ပြဿနာလေးတွေ မကြာခဏဆိုသလို ဖြစ်နေတာပါ။ သူတို့ဆီမှာတော့ ဒါမျိုးတွေက ဖြစ်နေကျ ရိုးရာ ယဉ်ကျေးမှု တစ်ခုလို့တောင် ပြောရမလားပဲ။
လောကဓံရဲ့ မျက်နှာသာ မပေးမှုကြောင့် ငယ်စဉ်ကတည်းက မိသားစုမေတ္တာ ငတ်မွတ်လာတဲ့ ကယ်ရီဟာ ပျော်ရွှင်ချမ့်မြေ့တဲ့ မိသား စုလေးတစ်ခု တည်ဆောက်ချင်တာဟာ သူရဲ့ အဖြစ်ချင်ဆုံး အိမ်မက် တစ်ခုပါ။ ကောင်းကင်က ကယ်တင်ရှင် ဘုရားသခင်ရဲ့ လျစ်လျူခြင်း ခံထားရတဲ့ သိုးငယ်လေး ကယ်ရီဟာ သိုးထိန်းခွေးဖြူရဲ့ အရေကို ခြုံထားတဲ့ ၀ံပုလွေတစ်ကောင်နဲ့ တူတဲ့ ကံကြမ္မာကို ယုံကြည်အားကိုးပြီး သူရဲ့အိမ်မက် လေးကို အကောင်အထည်ဖော်ဖို့ ကျိုးစားခဲ့ပါတယ်။ ဒီလိုနဲ့ပဲ ကမ္ဘာကျော် ဂီတအဖွဲ့တစ်ခုဖြစ်တဲ့ ၀က် (စ်) (တ်) လိုက် (ဖ်) (Westlife) က နာမည်ကျော် အဆိုတော် ဘရိုင်ယန် နဲ့ လက်ထပ်လိုက်ပါတယ်။ ဒါပေမဲ့ ကံဆိုးမသွားရာ မိုးလိုက်လို့ရွာလို့ ပြောရမလောက်ပါပဲ။ သားသမီး နှစ်ယောက်ရပြီး ချိန်မှာ တော့ သူ့ရဲ့ပျော်ရွှင်စရာ အိမ်မက်ကလေး ပျက်ပြယ်သွားပြီး ထမင်းလုံးတစ္ဆေ အခြောက်ခံလိုက်ရပါတော့တယ်။
ဒီလိုကြမ်းထမ်းခက်ထန်တဲ့ ဘ၀လောကဓံမုန်းတိုင်းတို့ရဲ့ တိုက်ခိုက်မှု ကို ကြံကြံခံရင်း ဘ၀ပန်းတိုင်ကို ရောက်အောင် ဘယ်လိုရုန်းကန်ခဲ့ရတယ် ဆို တာကို ကယ်ရီကိုယ်တိုင် ဖောက်သည်ချထားပါတယ်။ စာဖတ်သူတို့ ခံစားကြည့်နိုင်အောင် မျှဝေလိုက်ပါတယ်။
အပိုင်း (၁)
မနက်ဖြန်ဆိုတာ သစ်လွင်လှပတဲ့ နိဒါန်းတစ်ခုပါ
ကျမ ရှစ်လသမီးအရွယ်လောက်မှာ အဖေက ကျမကို တစ်ခေါက်လာ ကြည့်ဖူးပါတယ်။ အမေက ဘုံဆိုင်သွားပြီး တစ်ခွက် တစ်ဖလားမော့နေတဲ့ အချိန်ပေါ့။ အမေကို တစ်ယောက်ယောက်က တွေ့ချင်တယ်လို့ ပြောပါတယ်။ ကျမအဖေက ကူညီပြောပေးဖို့ အတွက် သူရဲ့ညီနဲ့ သူငယ်ချင်းကို အဖော် ခေါ်လာတယ်။ သူတို့တွေ အိမ်ပြန်လာကြပြီး ကျမအတွက် ကလေးစရိတ် ပေးသွားကြတယ်။
ဒါဟာ ကျမရဲ့ အဖေအရင်းကို နောက်ဆုံး မြင်လိုက်ရခြင်းပါပဲ။ ကျမအဖေဟာ သူ့ရဲ့ဇနီးနဲ့ သား၊ သမီးတွေဆီကို ပြန်သွားခဲ့တယ်။ ဒါဟာ ကျမဘ၀ရဲ့ မလှပတဲ့ ဘ၀နိဒါန်းအစပါ။ ဒါပေမဲ့ နောက် ကြောင်းပြန်မကြည့်မိအောင် ကျမ အမြဲကြိုးစား နေခဲ့တယ်၊ အတိတ်မှာ ဘာတွေဖြစ်ခဲ့သလဲ ဆိုတာကိုလည်း မစဉ်းစားခဲ့ဘူး။ ရှေ့ကိုမျှော်မှန်းပြီး လက်ရှိဘ၀မှာ အကောင်းဆုံးဖြစ်အောင် ကြိုးစားခြင်းကသာ ကျမအတွက် ပိုပြီးအဓိပ္ပါယ်ရှိပါတယ်။
ကျမ လမ်းလျှောက်တတ်စ အရွယ်မှာပဲ သူ့ကိုမြတ်မြတ်နိုးနိုး ချစ်မယ်လို့ထင်တဲ့ လူတစ်ယောက်နဲ့ အမေ နောက်အိမ်ထောင် ပြုခဲ့ တယ်။ အဲဒီ အခိုက်အတန့်မှာတော့ အခြားကလေးတွေလိုပဲ ကျမ မိစုံ ဖစုံနဲ့ နေခဲ့ရဖူးတယ်။ ကျမမိဘတွေ တွေ့ကြုံခံစားနေရတဲ့ ဒုက္ခသုက္ခ ဆိုတာတွေ ကျမ ဘာမှမခံစားခဲ့ရပါဘူး။ ကျမမှာ ကစားစရာ အရုပ် တွေရှိတယ်။ အတူကစားဖို့ သူငယ်ချင်းတွေရှိတယ်။ အချိန်တန်ရင် ကျောင်းသွားမယ်။ ကလေးတစ်ယောက်အတွက် ဒီထက် ဘာများလို သေးလို့လဲ။
၁၉၈၇-ခုနှစ်၊ ဇန်နာဝါရီလမှာတော့ ဒီပျော်ရွှင်စရာတွေဟာ ကပြောင်းကပြန် ဖြစ်သွားခဲ့တယ်။ အမေတို့ရဲ့ အိမ်ထောင်သက် သုံးနှစ်ကျော်ကျော်လေးမှာပဲ ပထွေးက အမေကို ပစ်သွားခဲ့တယ်။ ကျမ ခုနစ်နှစ်သမီး အရွယ်ပဲ ရှိပါသေးတယ်။ အဲဒီအချိန်ကစပြီး ကျမဟာ ဘ၀တစ်လျှောက်လုံး ကြံ့ကြံ့ခံ ရုန်းကန် လှုပ်ရှားခဲ့ရတာပါ။
ဘယ်သူတွေဟာ ကိုယ့်မိဘဖြစ်ပါစေလို့ ကျမတို့မှာ ရွေးချယ် ပိုင်ခွင့် မရှိပါဘူး။
ဆိုလိုတာက ဘ၀ပေး အခြေအနေအရ ရလာတာတွေကို သိပ်ရွေးချယ်နေလို့ မရပါဘူး။ ဘယ်လိုအခြေအနေ မျိုးမှာပဲဖြစ်ဖြစ် အတတ်နိုင်ဆုံး ပုံမှန်ဘ၀နဲ့ ကြိုးစားရပ်တည်သွားဖို့ကို ကျမ ရွေးချယ် ခဲ့ပါတယ်။ ကျမက အရာရာကို အကောင်းမြင်တတ်အောင် ကျိုးစား နေသူ တစ်ယောက်ပါ။ ကျမဆီမှာ ဒီစိတ်ဓာတ်လေး ဘယ်လို ကိန်းအောင်းလာသလဲဆိုတာ ကျမ အသေအချာ မသိဘူး။ ဒါပေမဲ့ ကျမ စဉ်းစားမိတာကတော့ ဘ၀ကံကြမ္မာဟာ ဆိုးဝါးတဲ့ ဒုက္ခသုက္ခ သဗ္ဗရနံပေါင်းစုံကို ကျမရဲ့ မိသားစုအပေါ် ပေးတဲ့အချိန်မှာ ကျမကို တော့ ပျော်ရွှင်တတ်တဲ့စိတ်၊ ပြန်လည်ဦးမော့လာစေမည့် နည်းလမ်း တွေကို အပ်နှင်းခဲ့တယ်လို ထင်ပါတယ်။
ဘ၀ရဲ့ အမှောင်မိုက်ဆုံး ကာလတွေကို ဖြတ်သန်းနေရတဲ့ အချိန်မှာတောင် ဘ၀ဟာ အစဉ်ပြေလာမှာပါလို့ ကျမ အမြဲတန်း မျှော်လင့်နေခဲ့တာပါ။ အဲဒီ အချိန်ဟာ မနက်ဖန်မဟုတ်ရင်တောင် တစ်ရက်ရက်မှာပေါ့။ ဒီမျှော်လင့်ချက်ဟာ ရှေ့ကိုဆက်လျောက်လှမ်း ဖို့ ကျမကို အမြဲ တွန်းအားပေးခဲ့တာပါ။ ဘ၀မှာ အနာခံရတဲ့ ကာလ တွေကို ဖြတ်သန်းခဲ့ရလို အသာစံရတဲ့ အချိန်တွေလဲ ကြုံခဲ့ရတာပါပဲ။ အခုတောင် အရာအာလုံးဟာ ပြန်ကောင်း လာနိုင်ပါ့မလားဆိုတဲ့ အတွေးမျိုးကို ကျမ လုံးဝလက်မခံပါဘူး။ အဲဒီလို တွေဝေတတ်တဲ့ သံသယစိတ်တွေ၊ တွန့်ဆုတ်တတ်တဲ့ ကြောက်ရွံ့စိတ်တွေ ၀င်မလာ အောင် တွန်းလှန်နေခြင်းသည်ပင် ဘ၀တိုက်ပွဲရဲ့ တစ်စိတ်တစ်ပိုင်း ပဲလို့ ကျမထင်ပါတယ်။
ဘ၀ဟာ အမြဲတန်း လွယ်ကူချောမွေ့နေတာ မဟုတ်ပါဘူး။ ကျမအမေဟာ စိတ်ကျရောဂါ ခံစားနေရသူတစ်ယောက်ပါ။ ဒီတော့ သူနဲ့အတူ ရှိနေတဲ့ ကျမဘ၀ဟာ သူရဲ့ ကယောင်ချောက်ချား ဖြစ် တတ်တဲ့စိတ်တွေ အမွေရခဲ့ပါတယ်။ ပုံမှန်အချိန်မျိုးမှာဆိုရင်တော့ သူဟာကောင်းကင်မှာ ပျံနေသလားလို့တောင် ထင်ရပါတယ်။ ဒီလို အချိန်မျိုးလေးတွေကိုလဲ ကြုံခဲ့ရပါတယ်။
ကျမတို့ဟာ ဘယ်လိုမိခင်မျိုး ရလာမယ်ဆိုတာ ဘယ်သူမှ ကြိုတင်မ သိနိုင်ပါဘူး။ ကျမကတော့ အရာရာဟာ ပုံမှန်အတိုင်း ပြန်လည်ကောင်းမွန် လာမဲ့ အချိန်ကိုပဲ မျှော်လင့်နေခဲ့တာပါ။ ပျော်ရွှင် စရာမရှိရင်တောင် ကြံဖန်ပြီး ပျော်အောင်နေတတ်သူပါ။ အမေနဲ့ ကျမမှာ ဟာသဥာဏ်ရှိကြပါတယ်။ ကျမ တို့ သားအမိဟာ တစ်ယောက်နဲ့ တစ်ယောက် နောက်ပြောင်ကျီစယ်ရင်း ပျော်ပျော်ရွှင်ရွှင် နေခဲ့ကြတယ်။ အိမ်မှာ ဘယ်လိုပြဿနာတွေ ရှိနေပါစေ ကျမတို့ ပျော်ရွှင်စရာအချိန်လေး တွေကိုတော့ ရအောင်ယူခဲ့ကြတယ်။ အမေ့ မှာ ငွေပိုငွေလျှံလေးရှိရင် သူက ကျမကို ဘလက်ပူးလ်(Blackpool) ကို ခေါ် သွားပြီး အဲဒီမှာ ကျမတို့ တစ်နေကုန် အချိန်ဖြုန်းကြတယ်။ ခြားတွေ၊ ရဟတ် တွေ စီးပြီး အသံကုန်အော်ဟစ် ကြတယ်။ အဲဒီအချိန် မှာဆိုရင် အမေဟာ ကလေးတစ်ယောက်လို ပျော်မြူး နေတာပါပဲ။ ဒီလိုပျော်ရွှင် စရာကောင်းတဲ့ အချိန်လေးတွေ အမြဲဖြစ်နေပါစေ လို့ ကျမဆုတောင်းခဲ့ပါတယ်။ ဒီလိုဖြစ်ဖို့က တော့ နေ့စဉ်နဲ့အမျှ ပျော်ရွှင်စရာတွေကို ဖန်တီးယူတတ်ဖို့ပဲရှိပါတယ်။
ဘ၀မှာ အခက်အခဲတွေနဲ့ ရင်ဆိုင်နေရတဲ့ အခါမျိုးမှာ
ဒီလိုပျော်ရွှင်စရာ လေးတွေဟာ ဘ၀အမောတွေ
ပြေပျောက်စေမဲ့ အကောင်းဆုံး ထွက်ပေါက်လေး တစ်ခုပါပဲ။
အိမ်ကနေ ထွက်ထွက်သွားတတ်တဲ့ အမေမျိုး၊ အရက်အလွန် သောက် တဲ့ အမေမျိုး၊ ကိုယ့်အပေါ် ကြင်နာမှုမရှိတဲ့ ယောက်ျားတစ်ယောက်အပေါ် မေတ္တာထားမိတဲ့ အမေမျိုး အခြား ဘယ်သားသမီးမှာ မှ ကြုံဖူးမှာမဟုတ်ပါ ဘူး။ ကျမဟာ ဒီလိုတွေ ကြုံနေရပေမဲ့ တစ်ချိန် ချိန်မှာ ကျမတို့ဘ၀ အစဉ်ပြေ ချောမွေ့လာလိမ့်မယ်လို့ အမြဲယုံကြည် ထားပါတယ်။ ဒါတွေကိုပဲ တွေးတော စဉ်းစားနေရင်း အချိန်တွေ ဖြုန်းနေမယ်ဆိုရင် အခက်အခဲတွေကို ရင်ဆိုင် ကျော်လွှားနိုင်မှာ မဟုတ်ပါ ဘူး။ အကယ်၍ ကျမဟာ ကျမရဲ့ လက်ရှိဘ၀ အကြောင်းစဉ်းစားရင်း အတွေးထဲမှာ နစ်မျောနေမယ်ဆိုရင် အဲလိုဘ၀မျိုးက နေ ဘယ်တော့မှ ကျော်ဖြတ်နိုင်မှာ မဟုတ်ပါဘူး။ အောင်မြင်မှုပန်းတိုင်ဟာ ကျမရဲ့ လက်တကမ်းမှာပဲ ရှိနေတယ်လို့ စိတ်ထဲမှာ အမြဲခံစားမိတယ်။ အဲဒီကို ရောက်ဖို့ဆိုရင် ငရဲပြည်ကို ကျော်ဖြတ်ပြီးသွားရမယ်ဆိုတာ ကျမ သိနေတယ်။
မင်းမဟော် (ဘီးလင်း)
အထက်ပါ ဆောင်းပါးလေးကို မျိုးချစ်မြန်မာ ဘလော့ကနေ ကြိုတ်လို့ ကူးယူပြီး တင်ပေးလိုတ်တာပါ။ နောက်ထပ် အခန်းဆက်တွေလည်း ကျန်သေးတယ် ထင်ပါတယ်။
